Foto-Sammlung Adolf Krapp, Ordner 1: Alt Derkem
Die Fotosammlung war die Arbeitsgrundlage für das Buch "Bilddokumente über Alt-Dürkheim", siehe weiter unten unter "Literatur".
Abbildung:
ALT DERKEM
Alt-Derkem, des is 's Graf'sche Haus
Un 's Mühlrad am Gradierbau drauß.
Alt-Derkem is manch Eise-Brunne,
Wu d' friehr in unsre Stroße gfunne.
Alt-Derkem is die Bärmannschul,
Sin große Mischthaufe mit Puhl
Vum Finkepad bis in die Hohl
Un Hinnerberg aa alsemol.
Dann 's alt Arreschthaus noch, des wäß ich,
un Stroßename, wu franzeesisch !
Alt-Derkem is de Gäßeweg,
Die Blääch, die Lauerbach mit Steg,
De Worschtmarksbrabbel un die Aich,
Die alt Ladeinschul un viel „Zeich“
Wu unser Stadtbild hot geprägt,
Bevor sich dann "Nei-Derkem" regt.
Alt-Derkem no de rechte Art,
Des hot aa Leit ghat: Rudolf Bart,
De Winzer Farny an de Bach,
Die Dame Maaß vum Schauspielfach,
De Pälzerwald-Schorsch, Major Stahl,
De alt Herr Cordier drauß im Dal;
Die Parre Heilmann, Dokder Hafen,
Wu kunfermieren un wu daafen,
Turnvadder Kuhn, de Schutzmann Echter,
De Amann, unser Kurpark-Wächter,
De Martin Eberle, wann d' witt,
Karl Räder un de Päffel-Schmidt !
Alt-Derkem - un aa des is wahr –
Bischt Du un ich vor sechzisch Johr,
Als Knirps, als Jingling, Mann un Fraa.
Der Bildband werd's uns sicher sa' !
Alt-Denkern, des warn Gail un Küh,
Fuhrwerk un Scheese, hott un hüh !
Gaslampe un viel holprisch Plaschter,
's hot jo kaum Audos ghat un Laschtet !
Alt-Denkern, des war Glocke-Laite;
Kee Hektik, wie in unsre Zeite !
Un bloß beim Wei(n) hen seinerzeit
Die Leit schun dischbediert, wie heit !
Alt-Denkern, des hot misse gehe.
In dem Band kann mer's noch mol sehe !
Helmut Metzger
de
